İyunun 13-dən bəri İsrailin zərbələri nəticəsində azı 2800 iranlı yaralanıb və 2000 nəfər artıq xəstəxanalardan buraxılıb.
Yeniavaz.com xəbər verir ki, bu barədə İran Səhiyyə Nazirliyinin bəyanatında deyilib.
“Ölkəmizdə səhiyyə sektorunda heç bir problem yoxdur. Bu günə olan məlumata görə, 2800 zərərçəkən xəstəxanaya yerləşdirilib, onlardan 2000-i müalicə olunaraq evə buraxılıb”, - məlumatda deyilib.
Bundan əlavə, iyunun 20-də baş verən hücumlar nəticəsində 6 təcili yardım maşını zədələnib, 14 tibb işçisi yaralanıb, 2 nəfər həlak olub.
Tətbiqimizi yükləyə bilərsiniz
