“ABŞ-nin vitse-prezidenti J.D.Vens “Tesla” sahibi İlon Maskı ölkə Prezidenti Donald Trampla ictimai münaqişəsinə son qoymağa inandırıb”.
Yeniavaz.com xəbər verir ki, bu barədə “The Wall Street Journal” mənbələrə istinadən məlumat yayıb.
Nəşrin məlumatına görə, iyunun 6-da (sosial mediada ictimai qınaqdan bir gün sonra) Vens və Ağ Evin aparat rəhbəri Syuzi Ualz Maska zəng edərək onu eskalasiyaya son qoymağa çağırıb: “Vens Trampın tərəfində olub, lakin Maskın hərəkətlərini birbaşa tənqid etməkdən çəkinib.
“Tesla”nın qurucusu vitse-prezidentin məsləhətlərini dinləyib”.
Milyarder Respublikaçıların ABŞ-nin büdcə kəsirini artıran vergi güzəşti qanun layihəsini tənqid etməsindən sonra Mask və Tramp mübahisə edib. İyunun 5-də onlar sosial şəbəkədə ictimai qınaq yaradıblar.
Mübadilə zamanı Mask, başqa şeylərlə yanaşı, Trampın cinsi istismar məqsədi ilə yetkinlik yaşına çatmayanları alverində ittiham olunan maliyyəçi Ceffri Epstein işi ilə bağlı sənədlərdə xatırlandığını iddia edib. İki gün sonra o, heç bir izahat vermədən postu silib. İyunun 10-da Mask açıq şəkildə üzr istəyib və prezidentlə bağlı yazılarının “bəzilərindən təəssüf etdiyini” deyib.
Tətbiqimizi yükləyə bilərsiniz
