“Telegram” və “Vkontakte”nin yaradıcısı Pavel Durov bir ilə yaxındır ki, mobil telefondan istifadə etmir.
Yeniavaz.com xəbər verir ki, bu barədə o, jurnalist Taker Karlsona müsahibəsində bildirib.
“Telefonum var, amma istifadə etmirəm. Telefonu daşımıram, çünki diqqətimi çox yayındırdığını düşünürəm. Mən onun şəxsi həyatıma zərərli olduğunu düşünürəm”, - sahibkar deyib.
İş adamı izah edib ki, Fransada həbs edildikdən sonra onun qadceti müsadirə edilib, lakin hətta bundan əvvəl o, telefondan çox nadir hallarda istifadə edib - həftədə maksimum bir neçə dəfə “Telegram” tətbiqində yeni seçim və funksiyaları sınaqdan keçirmək üçün. Durov əlavə edib ki, əgər diqqətini cəmləmək lazımdırsa, o, noutbuk və ya “iPad”dən istifadə etməyə üstünlük verir.
Tətbiqimizi yükləyə bilərsiniz
