Avstriyada məktəbdə atışma – Ölənlər var

Avstriyanın cənub-şərqindəki Qrats şəhərindəki məktəbdə atışma baş verib.
Yeniavaz.com xəbər verir ki, bu barədə “Kronen Zeitung” qəzeti məlumat yayıb.
Məlumata görə, bir şagird təhsil müəssisəsinin binasına atəş açıb, nəticədə son məlumatlara görə, 9 nəfər həlak olub.
Qəzetin məlumatına görə, hücum edən şəxs hücumdan sonra tualetdə intihar edən şagird olub. O, ən azı iki sinif otağına atəş açıb.
Hüquq-mühafizə orqanları onun şərikinin ola biləcəyini istisna etmirlər.
Hazırda ərazidə “Kobra” xüsusi təyinatlıları və helikopterlərin cəlb olunduğu genişmiqyaslı əməliyyat aparılır.
Avstriya mediasına görə, yaralıların sayı ikirəqəmli rəqəmə çatır, lakin dəqiq rəqəmlər hələ açıqlanmır.
Qəzetin məlumatına görə, həm şagirdlər, həm də müəllimlər arasında itkilər var.
Bütün şagirdlər və işçilər təxliyə edilib.
Atışmanın motivləri hazırda məlum deyil.
Hüquq-mühafizə orqanları və prokurorluq araşdırmalara başlayıb.
Qeyd edək ki, Qrats Avstriyanın ikinci ən böyük şəhəridir.