“Android” üçün “WhatsApp” beta istifadəçiləri avtomatik yüklənən foto və videoların keyfiyyətini seçmək imkanı verən çoxdan gözlənilən funksiyanı əldə etməyə başlayıblar.
Yeniavaz.com xəbər verir ki, bu barədə “GSMArena” portalı məlumat yayıb.
Məlumata görə, bir neçə aydır sınaq rejimində olan funksiya indi tədricən messencerin beta test proqramının iştirakçılarına təqdim olunur.
Portalın məlumatına görə, “Android” cihazlarında qurulan 2.25.18.11 nömrəli beta versiyasının bəzi istifadəçiləri artıq ona giriş əldə ediblər.
Bu funksiyanın yaxın həftələrdə bütün beta istifadəçiləri üçün əlçatan olacağı gözlənilir.
Yeni funksiya “Media Yükləmə Keyfiyyəti” bölməsində “Saxlama və Verilənlər” menyusunda yerləşir. İstifadəçilərə iki variant təklif olunur: media fayllarını sıxılmış formada endirməyə imkan verən “Standart Keyfiyyət” və daha yüksək təsvir və video keyfiyyəti təmin edən “HD Keyfiyyət”.
Yeni funksiyanın maraqlı bir xüsusiyyəti də HD keyfiyyətində media faylları göndərərkən ikili yükləmə sistemindən istifadə etməsidir.
“WhatsApp”ın öz serverlərində məlumatların işlənməsi və sıxılmasının qarşısını alan başdan sona şifrələmə sayəsində göndərənin cihazı avtomatik olaraq faylın həm standart, həm də HD versiyalarını yaradır və messencerin serverlərinə yükləyir. Alıcı isə öz növbəsində, seçdiyi keyfiyyət parametrlərinə uyğun gələn versiyanı yükləyir.
Tətbiqimizi yükləyə bilərsiniz
