Sünik rayonunun iki yeniyetmə sakini azaraq Azərbaycan tərəfə keçib.
Yeniavaz.com “Sputnik”ə istinadla xəbər verir ki, bu barədə Ermənistan Milli Təhlükəsizlik Xidməti məlumat yayıb.
“Alınan məlumata görə, iyunun 6-da saat 01:20 radələrində Sünik rayonunun Tex kəndinin sakinləri Karen Armenoviç Cangiryan (27.06.2007) və Andrey Armenoviç Qyaqunts (13.01.2008) Aravus kəndi ilə bitişik ərazidə azaraq Azərbaycan tərəfə keçiblər”, - məlumatda deyilir.
Qeyd olunub ki, yeniyetmələrin yerinin müəyyən edilməsi və təhlükəsiz qayıtmasının təmin edilməsi istiqamətində zəruri tədbirlər görülür.
Ermənistan mətbuatda yayılan məlumatlara görə, hadisə yeniyetmələr mal-qaranı geri qaytarmaq istəyən zaman baş verib.
Qeyd edək ki, Azərbaycan tərəfindən hadisə ilə bağlı hələlik açıqlama verilməyib.
Tətbiqimizi yükləyə bilərsiniz
