Rutte Ukraynanı NATO sammitinə dəvət etdi

NATO-nun baş katibi Mark Rutte Ukraynanı 24-25 iyun tarixlərində alyansın Haaqada keçiriləcək sammitinə dəvət edib.
Yeniavaz.com “Reuters” agentliyinə istinadla xəbər verir ki, Rutte bu barədə iyunun 5-də Brüsseldə NATO müdafiə nazirləri ilə görüşündən əvvəl keçirilən mətbuat konfransında danışıb.
“Mən Ukraynanı sammitə dəvət etmişəm. Ən qısa vaxtda proqramı onlara təqdim edəcəyik”, - Rutte qeyd edib.
Ukrayna Prezidenti Volodimir Zelenskinin şəxsən dəvət olunub-olunmaması ilə bağlı suala cavab olaraq alyansın baş katibi proqramın dəqiqləşdirildikdən sonra dərc olunacağını bildirib.
Baş katibin sözlərinə görə, sammit bütünlüklə alyansın hərbi imkanlarının və xərclərinin artırılmasına həsr olunacaq.