“Microsoft”un qurucusu Bill Qeytsin sərvətinin ən böyük payı Afrikaya gedəcək.
Yeniavaz.com xəbər verir ki, o, bu barədə iyunun 2-də Afrika İttifaqının Efiopiyanın paytaxtı Əddis-Əbəbədəki mənzil-qərargahında çıxışı zamanı bildirib.
“Mən bu yaxınlarda söz vermişdim ki, sərvətim növbəti 20 il ərzində paylanılacaq. Bu maliyyənin əsas hissəsi Afrikadakı problemlərin həllinə kömək etmək üçün sərf olunacaq”, - Qeyts deyib.
O əlavə edib ki, pul Bill və Melinda Qeyts Fondu vasitəsilə köçürüləcək.
Xatırladaq ki, yazda Qeyts elan edib ki, 2045-ci ilə qədər bu fond müxtəlif layihələrin maliyyələşdirilməsinə 200 milyard dollar yönəldəcək.
Hazırda Qeyts planetin ən varlı adamları siyahısında beşinci yeri tutur. Onun şəxsi sərvəti 175 milyard dollara çatır.
Tətbiqimizi yükləyə bilərsiniz
