İsrail hərbçiləri Livanın cənubuna yeni dəqiq zərbə endirərək, “Hizbullah” təşkilatının yerli silahlı birləşmələrinin komandirlərindən birini zərərsizləşdirib.
Yeniavaz.com xəbər verir ki, bu barədə ordunun mətbuat xidməti məlumat yayıb.
Məlumata görə, zərbənin hədəfi Məhəmməd Əli Camul olub.
İsrail ordusunun məlumatına görə, o, Livanın cənubundakı Deyr əz-Zəhrani bölgəsində fəaliyyət göstərən “Hizbullah”ın raket bölməsinə komandirlik edib.
Ordu Livan-İsrail sərhədində gərginliyin artdığı bir vaxtda onun raket atəşini İsrailə yönəltdiyini bildirib.
Bundan əlavə, hərbi məlumatlara görə, o, bu yaxınlarda “Hizbullah”ın bölgədəki hərbi infrastrukturunun bərpasında iştirak edib.
İsrail ordusunun fikrincə, Əli Camulun hərəkətləri İsrail və Livan arasında atəşkəs razılaşmalarının kobud şəkildə pozulmasıdır.
Tətbiqimizi yükləyə bilərsiniz
