Gürcüstanda Amerikanın FARA aktının (Xarici Agentlərin Qeydiyyatı Aktı) analoqu olan Xarici Agentlərin Qeydiyyatı Aktı qüvvəyə minib.
Yeniavaz.com xəbər verir ki, qanunun qüvvəyə minmə tarixi normativ aktların dərc olunduğu rəsmi qanunvericilik portalında öz əksini tapıb.
Gürcüstan parlamenti aprelin 1-də qanunu üçüncü və yekun oxunuşda qəbul edib.
Keçən il kütləvi etirazlar fonunda qəbul edilmiş Xarici Təsir Şəffaflığı Aktından fərqli olaraq, FARA-nın Amerika ekvivalenti beş ilədək həbs müddətini nəzərdə tutur və həm təşkilatlara, həm də şəxslərə şamil edilir.
Qanun qanunvericilik portalında dərc olunduqdan sonra 60-cı gündə qüvvəyə minib.
Gürcüstanın Korrupsiyaya Qarşı Mübarizə Bürosu yeni qanunun icrasına nəzarət edəcək. Qanuna görə, Gürcüstanda fəaliyyəti xarici dövlətin maraqlarına xidmət edən və xaricdən maliyyələşən fiziki şəxs və ya təşkilat, eləcə də hər hansı şəxslərin birliyi xarici agent sayılır.
Qanun Amerika FARA-sından fərqli olaraq, mediaya da şamil edilir. Qanuna tabe olan şəxslər fəaliyyətlərinə görə xarici agent olduqdan sonra 10 gün ərzində Gürcüstanın Korrupsiyaya Qarşı Mübarizə Bürosuna ərizə verməlidirlər.
Qanunun təşəbbüskarları olan hakim “Gürcü Arzusu – Demokratik Gürcüstan” partiyasının nümayəndələrinin izah etdiyi kimi, yeni qanun ölkədə sabitliyi pozmağa çalışan xaricdən maliyyələşən təşkilatlara qarşı mübarizəni gücləndirmək məqsədi daşıyır.
Tətbiqimizi yükləyə bilərsiniz
