Mədəniyyət Nazirliyinin tabeliyində fəaliyyət göstərən “Əsaslı Tikinti və Təchizat” MMC tərəfindən keçirilən tender müsabiqəsinin qalibi məlum olub.
Yeniavaz.com xəbər verir ki, tender müsabiqəsinin qalibi “Admedia.az” MMC (VÖEN - 2002644161) olub.
“Admedia.az” MMC Mədəniyyət Nazirliyinin keçirdiyi tədbir və digər proqramlarda istifadə olunacaq çadırların və digər mallarla təmin edilməsi (icarəsi) xidmətlərini təqdim edəcək və qarşılığında 190 min 802 manat 46 qəpik alacaq.
Qeyd edək ki, Mədəniyyət Nazirliyi ümumilkdə 52 çadır icarəyə götürəcək. Çadırlardan əlavə çoxsaylı masalar, 30 ədəd soyutma və isitmə sistemləri, 15 ədəd dəri kreslo, 8 ədəd su dispenseri, 250 metr elektrik kabeli, həmçinin 30 ədəd biotualet icarəyə götürəcək.
Məlumat üçün bildirək ki, tenderin qalibi olan “Admedia.az” MMC 21 may 2013-cü ildə dövlət qeydiyyatına alınıb. Nizamnamə kapitalı 1000 manat olan MMC-nin hüquqi ünvanı Nərimanov rayonu, Əbdüləzəl Dəmirçizadə, ev 2G ünvanında yerləşir. Şirkətin qanuni təmsliçisi Məmmədov Emin Əjdər oğludur.
Murad Məmmədov
Tətbiqimizi yükləyə bilərsiniz
