“Ermənistan Aİ-yə üzvlüklə bağlı danışıqlar aparmır” – Mirzoyan

İrəvan Brüssellə Ermənistanın Avropa İttifaqına (Aİ) üzvlüyü ilə bağlı danışıqlar aparmır.
Yeniavaz.com xəbər verir ki, bunu Ermənistanın xarici işlər naziri Ararat Mirzoyan rusiyalı həmkarı Sergey Lavrovla keçirdiyi mətbuat konfransında deyib.
“Ermənistan Avropa İttifaqına daxil olmaq üçün müraciət etməyib, bu istiqamətdə danışıqlar aparılmır və müvafiq olaraq, bu istiqamətdə yarana biləcək məsələ aktual deyil”, - o, jurnalistin ölkənin həm Aİ, həm də Avrasiya İqtisadi İttifaqına üzvlüyü ilə bağlı sualını cavablandırıb.
Martın 26-da Ermənistan parlamentinin üzvləri ikinci və yekun oxunuşda respublikanın Avropa İttifaqına daxil olması prosesinin başlanması haqqında qanun qəbul ediblər. Ermənistan Baş naziri Nikol Paşinyan qeyd edib ki, bu, Yerevanın ittifaqa qoşulması prosesinin avtomatik başlaması demək deyil, çünki bu məsələ referendum tələb edir. Öz növbəsində, Ermənistan XİN rəhbəri Ararat Mirzoyan qanun layihəsinin lazımi sayda imza toplayan ictimai təşəbbüs olduğunu izah edib.