Papa XIV Leo vəzifəsinin icrasına başladı – Canlı + Yenilənib

Papa XIV Leo papa hakimiyyətinin simvollarını olan “balıqçı üzüyü” və palliumu (naxışlı xaçlı yun lent) qəbul edib.
Yeniavaz.com xəbər verir ki, bu qədim ritual 267-ci Papanın pontifikatının rəsmi başlanğıcını simvolizə edib.
Papa xütbəsi ilə başa çatacaq ilk Kütləvi mərasimə XIV Leonun özü başçılıq edir.
Meydanda çoxsaylı dindarlar, eləcə də xarici ölkələrdən 150-dən çox nümayəndə heyəti, dini konfessiyaların nümayəndələri iştirak edirlər.

***13:44 
Vatikanda Papa XIV Leonun taxtaçıxma mərasimi başlayıb.
Yeniavaz.com xəbər verir ki, canlı yayım müxtəlif kanallar, o cümlədən Vatikan xəbər portalı tərəfindən həyata keçirilir.
Vatikan ərazisinə minlərlə dindar və turist toplaşıb. Təhlükəsizliyi təmin edən Roma rəsmiləri toplaşanların sayının 250 minə çatacağını gözləyir.
Toplaşanlar arasında Roma Katolik Kilsəsi tərəfindən qeyd olunan Xristian Yubiley ili üçün Romaya gələn çoxlu əcnəbilər də var.
Meydanda həmçinin 150-dən çox nümayəndə heyəti var. Konstantinopol Patriarxlığından başlayaraq müxtəlif xristian məzhəbləri geniş şəkildə təmsil olunur.
Mərasimdə mərkəzi hadisə papa hakimiyyətinin simvollarının XIV Leoya ötürülməsi olacaq.