Qəzzada son 24 saatda 153 fələstinli öldü

İsrailin Qəzza zolağına endirdiyi zərbələr nəticəsində son 24 saat ərzində 150-dən çox fələstinli həlak olub, 460-a yaxın fələstinli isə yaralanıb.
Yeniavaz.com xəbər verir ki, bu barədə Fələstin anklavının Səhiyyə Nazirliyi məlumat yayıb.
Məlumata görə, son 24 saat ərzində sektorun xəstəxanalarına 153 ölü və 459 yaralı çatdırılıb.
Bundan əlavə, nazirlik qeyd edib ki, İsrailin hücumları nəticəsində naməlum sayda qurbanlar küçə və yollarda dağıntılar altında qalıb və təcili yardım və xilasetmə briqadaları onlara çata bilmirlər.
Səhiyyə Nazirliyinin məlumatına görə, 2023-cü ilin oktyabrında münaqişənin qızışmasından sonra Qəzzada ölənlərin sayı 53 272, yaralananların sayı 120 673 nəfərə çatıb.
2025-ci il martın 18-dən bu yana 3131 fələstinli ölüb, 8632 fələstinli isə yaralanıb.