“Rubio və digər ABŞ nümayəndələri İstanbula gedəcək” – Tramp

ABŞ dövlət katibi Marko Rubio və digər Amerika rəsmiləri Rusiya-Ukrayna müharibəsi ilə bağlı planlaşdırılmış danışıqlar üçün İstanbula gedəcək.
Yeniavaz.com xəbər verir ki, bu barədə ABŞ Prezidenti Donald Tramp Səudiyyə Ərəbistanında keçirilən ikitərəfli investisiya forumunda bildirib.
“İnsanlarımız orada olacaq. Marko Rubio da orada olacaq. Başqaları da orada olacaq. Görək, iş görə biləcəyik”, - ABŞ administrasiyasının rəhbəri bildirib.
Tramp Türkiyədə gözlənilən görüşlərin yaxşı nəticələr verə biləcəyini proqnozlaşdırır:
“Danışıqların bu həftənin sonunda, yəqin ki, cümə axşamı günü Türkiyədə keçirilməsi çox vacibdir. Onlar kifayət qədər yaxşı nəticələr verə bilər”.
Ağ Ev sözçüsü jurnalistlərlə söhbətində aydınlaşdırıb ki, Rubio, eləcə də ABŞ prezidentinin xüsusi nümayəndəsi Steven Witkoff və ABŞ-ın Ukrayna üzrə xüsusi nümayəndəsi Keyt Kelloq İstanbula səfər edir.
Öz növbəsində Vladimir Zelenski cümə axşamı İstanbula gəlmək niyyətini açıqlayıb.