Yaponiyanın “Panasonic” korporasiyası böyük restrukturizasiya çərçivəsində ölkə daxilindəki və xaricdəki ofislərində 10 000 işçini ixtisar etmək qərarına gəlib.
Yeniavaz.com xəbər verir ki, bu barədə Yaponiya İctimai Televiziyası (NHK) məlumat yayıb.
Telekanalın məlumatına görə, ixtisarlar ilk növbədə satış və idarəetmə departamentlərinə təsir edəcək.
Digər tərəfdən, “Panasonic” gələcəkdə şirkət üçün son illər sərfəli olmayan televiziya istehsalı biznesindən çıxmağı planlaşdırır.
Yapon korporasiyası həmçinin məişət texnikasının hazırlanması, istehsalı və satışı ilə bağlı yanaşmasını tamamilə yenidən nəzərdən keçirmək niyyətindədir.
Tətbiqimizi yükləyə bilərsiniz
