Ukraynanın Odessa şəhərində azərbaycanlı iş adamı, diaspor nümayəndəsinin oğurlandığı bildirilir.
Yeniavaz.com xəbər verir ki, bu barədə “Report” məlumat yayıb.
Bildirilib ki, 1972-ci il təvəllüdlü Vüqar Fərhad oğlu Osmanov aprelin 16-dan itkin düşüb.
“Yerli polisin müşahidə kameraları vasitəsilə ilə apardığı araşdırma nəticəsində müəyyən olunub ki, V. Osmanov Odessa şəhərində iaşə obyektlərindən birindən çıxarkən, naməlum şəxslər tərəfindən avtomobilə əyləşdirilərək naməlum istiqamətə aparılıb. Həmyerlimizlə indiyədək heç bir əlaqə yoxdur. Yerli polis onun yaxınlarına hələ də bir məlumat vermir”, - nəşr yazır.
Qeyd olunub ki V. Osmanov Ukrayna vətəndaşıdır və Odessada Azərbaycan diasporunun fəal üzvüdür.
Tətbiqimizi yükləyə bilərsiniz
