Azərbaycanın Xarici İşlər Nazirliyi İrana başsağlığı verib.
Yeniavaz.com xəbər verir ki, bu burədə xarici siyasət idarəsinin sosial şəbəkə hesabında qeyd olunub.
“İran İslam Respublikasının Bəndər-Abbas şəhərindəki Şəhid Rəcai limanında baş vermiş dağıdıcı partlayış bizi dərindən kədərləndirib.
Həlak olanların ailələrinə və yaxınlarına, İran xalqına və hökumətinə dərin hüznlə başsağlığı veririk. Yaralananların tezliklə sağalmasına səmimi-qəlbdən ümid edirik”, – paylaşımda deyilib.
Xatırladaq ki, İranın cənubundakı Bəndər-Abbas şəhərinin Şəhid Rəcai dəniz limanında ötən gün partlayış baş verib. Hadisə nəticəsində 20-yə yaxın insan ölüb,700-dən çoxu yaralanıb.
Tətbiqimizi yükləyə bilərsiniz
