Florida Universitetində atışma olub – Ölən və yaralananlar var

Florida Dövlət Universitetinin Tallahassi şəhərindəki kampusunda atışma baş verib. 
Yeniavaz.com xəbər verir ki, bu barədə “NBC News” mənbələrə istinadən məlumat yayıb. 
Yerli xəstəxanadan telekanala verilən məlumata görə, 1 nəfər ölüb, daha 6 nəfər yaralanıb. Zərərçəkənlərdən birinin vəziyyəti kritik digərlərinin ağırdır.
WFTV telekanalı mənbələrə istinadən xəbər verir ki, atışma nəticəsində 5 nəfər həlak olub. Bildirilib ki, atəş açan iki nəfər olub: biri saxlanılıb, ikincisi öldürülüb. 
Hüquq-mühafizə orqanlarının rəsmisi bildirib ki, saxlanılan şəxsin üzərində tapança olduğu aşkarlanıb. Bundan əlavə, otaqların birində tapança, saxlanılan şəxsin avtomobilindən isə daha bir tapança aşkar edilib.
Universitetdə bütün dərslər ləğv edilib.