“HƏMAS hərəkatı İsraillə qarşıdurmanın yeni mərhələsinə hazırlaşaraq Qəzza zolağındakı qüvvələrini yenidən qruplaşdırır”.
Yeniavaz.com xəbər verir ki, qruplaşma ilə yəhudi dövlətinin nümayəndələri arasında aparılan danışıqlarda ərəb vasitəçiləri bu barədə “The Wall Street Journal”a məlumat veriblər.
Anklavda atəşkəs sazişinin müddəti martın 1-də başa çatır. Nəşrin mənbələrinə görə, İsrail və HƏMAS-ın onun uzadılması ilə bağlı razılığa gələ bilməyəcəyi riski var.
Qəzetin mənbələrinə görə, HƏMAS Qəzza zolağında yeraltı tunel şəbəkəsini bərpa etməyə, atəş nöqtələrinin yerləşdirilməsi planlarını hazırlamağa və İsrail ordusuna qarşı partizan müharibəsi aparmaq üçün yeni döyüşçülər yetişdirməyə başlayıb.
Qeyd edək ki, HƏMAS indiyədək sağ qalan 25 girovu azad edib və dörd cəsəd qaytarıb. Onun fevralın 27-də daha dörd ölü girovun cəsədini qaytaracağı gözlənilir.
Daha əvvəl “Financial Times” qəzeti mənbələrə istinadən yazıb ki, İsrail münaqişənin yekun həllinə töhfə verməli olan ikinci mərhələyə keçmək əvəzinə sazişin birinci mərhələsinin müddətinin qeyri-müəyyən müddətə uzadılmasına nail olmaq istəyir.
Tətbiqimizi yükləyə bilərsiniz
