Türkiyə Mərkəzi Bankı uçot dərəcəsini aşağı saldı

Türkiyə Mərkəzi Bankı uçot dərəcəsini 250 bənd aşağı salaraq, 47,5%-dən 45%-ə endirib.
Yeniavaz.com xəbər verir ki, bu barədə bankın Pul Siyasəti Komitəsinin bu il keçirilən ilk iclasının yekunlarına dair məlumatında bildirilib.
“Komitə uçot dərəcəsini 45%-ə endirmək qərarına gəlib”, - deyə məlumatda qeyd olunub.
Məlumata görə, 2024-cü ilin dekabr ayının sonunda Türkiyə Mərkəzi Bankı uçot dərəcəsini demək olar ki, iki ildən sonra ilk dəfə - 50%-dən 47,5%-ə endirib.
Bank 2024-cü ilin mart ayından etibarən əsas faiz dərəcəsini 50% səviyyəsində saxlayıb. Əvvəlki azalma isə 2023-cü ilin fevralında qeydə alınıb.
Məlumata görə, Mərkəzi Bankın sərt pul siyasəti inflyasiyada daimi azalma əldə olunana və qiymət sabitliyi təmin olunana qədər davam etdiriləcək
Bank növbəti dəfə əsas məzənnə ilə bağlı qərarını martın 6-da açıqlayacaq.