“Liverpul” Salahı Rodriqo ilə əvəz edə bilər

İngiltərənin “Liverpul” klubu İspaniyanın “Real Madrid” klubunun 24 yaşlı vingeri Rodriqo ilə maraqlanır.
Yeniavaz.com xəbər verir ki, bu barədə “El Nacional” qəzeti məlumat yayıb.
Məlumata görə, baş məşqçi Arne Slott üçün Rodriqo Salahın ən ideal potensial əvəzedicisidir. Onun tempi, driblinqi və effektivliyi məşqçinin “Enfild”də həyata keçirməyi hədəflədiyi oyun tərzinə tam uyğun gəlir.
Həmçinin, Rodriqonun yaş səviyyəsi və inkişaf potensialı onu ingilis klubu üçün uzunmüddətli strateji sərmayəyə çevirir.
Qeyd edək ki, Salahın “Liverpul” klubu ilə müqaviləsi bu ilin yayında başa çatır. Bu baxımdan, braziliyalının növbəti yay transferi üçün “Liverpul”un prioritetlərindən biri olacağı bildirilir.
Xatırladaq ki, bu mövsüm Rodriqo 21 oyun keçirib, 5 qol vurub və 4 məhsuldar ötürmə edib.
“Transfermarkt” portalına görə, futbolçunun dəyəri 100 milyon avro qiymətləndirilir.