Xəzər dənizinin Qazaxıstan sahillərində bir neçə əsr əvvəl batmış gəmi aşkar edilib.
Yeniavaz.com xəbər verir ki, bu barədə Qazaxıstanın “Lada” xəbər portalı məlumat yayıb.
“18-19-cu əsrlərdə batmış üç dirəkli gəmi çox güman ki, Rusiyadan gələn ticarət donanmasına məxsus olub. Bu, beynəlxalq arxeoloqlar qrupunun gəldiyi ilk nəticələrdir”, - məlumatda deyilir.
Qeyd olunub ki, gəminin kəşfi dəniz səviyyəsinin aşağı düşməsi ilə mümkün olub və tədqiqatçıların rastına 18-ci əsrdə Xəzər dənizində Rusiyanın gəmiqayırma üsullarına uyğun gələn çoxsaylı tapıntılar çıxıb.
“Təhlillər göstərir ki, struktur elementlərdə şotland şamı və küknar ağacları var. Bu da mümkün mənşəyin Volqa hövzəsi regionundan və ya Qafqazdan ola biləcəyini göstərir. Gəmidə qovaq ağacından hazırlanmış alət də aşkar edilib. Gövdədən alınan şam ağacı nümunələrinin radiokarbonla tədqiqi nəticəsində gəminin tikintisinin 18-ci əsrin sonlarından tez başlanmadığı müəyyən olunub”, - məlumatda deyilir.
Bildirilib ki, gəmidə qarabaşaq yükü aşkar edilib:
“Alimlər hesab edirlər ki, bu, onun o dövrün yemək mədəniyyətindəki populyarlığından xəbər verir. Ümumilikdə, tədqiqatçılar gəmidə geniş yayılmış kənd təsərrüfatı təcrübələrini göstərə bilən altı bitki ailəsi tapıblar”.
Tətbiqimizi yükləyə bilərsiniz
