“Koroğlu” stansiyasında metronun əməkdaşı dünyasını dəyişib

Bakı metrosunda ölüm hadisəsi qeydə alınıb.
Yeniavaz.com xəbər verir ki, buu barədə “Bakı Metropoliteni” QSC məlumat yayıb.
Bildirilib ki, hadisə bu gün səhər saatlarında baş verib.
“Səhər saat 5:30-da iş vaxtı bitərək “İnşaatçılar” stansiyasında iş yerini tərk etmiş Bakı metropoliteninin tunel qurğuları üzrə usta köməkçisi Saleh Məmmədov saat 8:50-də “Koroğlu” stansiyasında növbətçiyə yaxınlaşaraq, tibbi yardıma ehtiyacı olduğunu bildirib.
Dərhal ilkin yardım göstərilib, təcili və təxirəsalınmaz tibbi yardım xidməti çağırılıb. Bütün müvafiq tədbirlər görülsə də, Saleh Məmmədov dünyasını dəyişib”, - məlumatda deyilir.