Salah “Liverpul”dan gedə bilər

İngiltərə Premyer Liqasının “Liverpul” klubunun hücumçusu misirli Məhəmməd Salah komandanı tərk edə biləcəyini bəyan edib.
Yeniavaz.com xəbər verir ki, bu barədə “TBR Football” məlumat yayıb.
Məlumata görə, futbolçu hələ də “Liverpul”dan yeni müqavilə təklifi almadığını qeyd edib.
Salahın üç illik müqavilə imzalamaq istədiyi də bildirilir. Ancaq “Liverpul” bunu etmək istəmir. Çünki o vaxta qədər oyunçu artıq 33 yaşında olacaq.
Tərəflər razılığa gələ bilməsələr, futbolçunun yayda azad agent kimi klubu tərk edəcəyi gözlənilir.
Qeyd edək ki, “Liverpul” 12 oyundan sonra 31 xalla İngiltərə çempionatında liderliyini davam etdirir.
Növbəti turda “Liverpul” doğma meydanda “Mançester Siti” ilə qarşılaşacaq. Görüş dekabrın 1-də baş tutacaq və Bakı vaxtı ilə saat 19:00-da başlayacaq.