Millətlər Liqası: San-Marino tarixi qələbə ilə C liqasına yüksəldi – Bütün nəticələr

Futbol üzrə Millətlər Liqasında son turun oyunları davam edir.
Yeniavaz.com xəbər verir ki, A Liqasının birinci qrupunda Portuqaliya və Xorvatiya komandaları xalları bölüşüblər, 1:1.
Hər iki komanda 1/4 finala vəsiqə qazanıb.
Dördüncü qrupda İsveçrəyə 3:2 hesabı ilə qalib gələn İspaniya yığması qrupda birinci yeri tutaraq 1/4 finala yüksəlib. İkinci yeri isə Serbiya ilə qolsuz bərabərə qalan Danimarka tutub.
Avropa futbolunun “zəif bəndi” kimi tanınan San-Marino yığması isə D Liqasında tarixi qələbəyə imza atıb. Belə ki, səfərdə Lixtenşteynlə qarşılaşan san-marinolular geriyə düşsələr də, rəqibin qapısından 3 top keçirərək qələbə və C Liqasına vəsiqə qazanıblar. Onlar 3 komandanın mübarizə apardığı birinci qrupda 7 xalla qrup lideri olublar.
Millətlər Liqasının son turu çərçivəsində ötən axşam baş tutan görüşlərin nəticələri belə olub:
A Liqası, birinci qrup
Xorvatiya - Portuqaliya: 1:1;
Polşa - Şotlandiya: 1:2.

Dördüncü qrup
Serbiya - Danimarka: 0:0;
İspaniya - İsveçrə: 3:2.

C Liqası, ikinci qrup
Kosovo - Litva: 1:0;
Rumıniya - Kipr: 4:1.

Üçüncü qrup
Bolqarıstan - Belarus: 1:1;
Lüksemburq - Şimali İrlandiya: 2:2.

D liqası, birinci qrup
Lixtenşteyn - San-Marino: 1:3.