“Əl-Nəsr” və Portuqaliya millisinin hücumçusu Kriştiano Ronaldo karyerasını bitirməsi ilə bağlı sualı cavablandırıb.
Yeniavaz.com xəbər verir ki, jurnalist Fabrizio Romano sosial şəbəkələrdə Ronaldodan sitat gətirib.
“Mən sadəcə zövq almaq istəyirəm. 40 yaşım tamam olur... Mən həqiqətən həzz almaq istəyirəm, nə qədər ki, motivasiya hiss edirəm, oynamağa davam edirəm. Özümü motivasiya etmədiyim futboldan ayrılacağam”, - Ronaldo deyib.
Qeyd edək ki, bu mövsüm Ronaldo “Əl-Nəsr”in heyətində bütün yarışlarda, 15 matçda iştirak edib, 10 qol vurub və 3 məhsuldar ötürmə edib. Futbolçunun klubla hazırkı müqaviləsi 2025-ci ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 15 milyon avrodur.
Tətbiqimizi yükləyə bilərsiniz
