Moldovanın hazırkı Prezidenti Maya Sandu prezident seçkilərinin ikinci turunda 55,04 faiz, rəqibi Aleksandr Stoyanoğlu isə 44,96 faiz səs toplayıb.
Yeniavaz.com xəbər verir ki, bu barədə Moldovanın Seçki Komissiyasının protokolların 98,92%-ni işlədikdən sonra dərc etdiyi ilkin nəticələrdə göstərilir.
Bildirilib ki, xarici ölkələrdəki bir neçə seçki məntəqəsində səslərin sayılması qalıb.
Moldovanın özündə protokolların 100%-i işlənib. Komissiyanın məlumatına görə, ölkə daxilində sakinlər əsasən 51,19% səs toplayan Stoyanoğluya səs veriblər. O, 36 bölgədən 19-da qalib gəlib. Sanduda isə bu göstərici 48,81 faizdir.
Tətbiqimizi yükləyə bilərsiniz
