Türkiyənin Çorum şəhərində yaşayış binasında partlayış baş verib.
Yeniavaz.com TRT-yə istinadla xəbər verir ki, partlayış nəticəsində 1 nəfər ölüb, 17 nəfər yaralanıb.
Çorumun Osmancık küçəsində yerləşən 5 mərtəbəli yaşayış binasında partlayış qaz sızması nəticəsində baş verib.
Partlayış nəticəsində çoxlu sayda ev, iş yeri və avtomobilə ziyan dəyib.
Bölgəyə çoxlu sayda xilasetmə, sağlamlıq və polis qrupları cəlb edilib.
Yaralılar ətrafdakı xəstəxanalara çatdırılıb.
Yanğınsöndürənlər binada qalan vətəndaşlara kömək edirlər.
Ətrafdakı binalar boşaldılıb, küçə nəqliyyatın hərəkəti üçün bağlanıb, ərazidə təhlükəsizlik kordonu yaradılıb.
Tətbiqimizi yükləyə bilərsiniz
