“Telegram” daha bir funksiya təqdim etdi

“Telegram” video keyfiyyətini seçmək imkanı verən yeni funksiya təqdim edib.  
Yeniavaz.com xəbər verir ki, bu barədə sosial şəbəkənin təsisçisi Pavel Durov “Telegram” kanalında məlumat verib.
“Telegram” video platforma olmaq yolunda ilk addımı atdı. Bugünkü yeniləmə ilə “Telegram” serverləri məşhur videoları bir neçə keyfiyyət variantında yükləyəcək və onları axın üçün optimallaşdıracaq. İndi siz videoya baxdığınız zaman “Telegram” internet bağlantısının sürətindən asılı olaraq ən uyğun keyfiyyəti avtomatik olaraq seçəcək”, - o, bildirib.
Onun sözlərinə görə, istifadəçilər həmçinin istədiyi keyfiyyəti əl ilə seçmək imkanına malik olacaqlar.
Bundan əlavə, messencer indi mesajın redaktə edildiyi vaxtı da göstərəcək. Əgər mesaj bir dəfədən çox redaktə olunubsa, göstərilən vaxt sonuncu dəfə redaktə olunan vaxt olacaq.