Gürcüstanın müxalifət partiyalarının nümayəndələri və onların tərəfdarları noyabrın 4-də Tbilisidə parlament binası yaxınlığında parlament seçkilərinin nəticələrinə qarşı mitinq keçirəcəklər.
Yeniavaz.com xəbər verir ki, barədə brifinqdə “Güclü Gürcüstan” koalisiyasının üzvü Anna Dolidze bildirib.
“Biz bazar ertəsi (noyabrın 4-ü) axşam saat 7-də Rustaveli prospektində toplanacağıq və orada sizə ətraflı şəkildə ölkə daxilində və xaricdə effektiv fəaliyyət planı, etirazımızın qanuni, haqlı, dinc, lakin mütəşəkkil şəkildə necə davam edəcəyi barədə məlumat verəcəyik”, - Dolidze bildirib.
O, iddia edib ki, müxalifət artıq hakim “Gürcü Arzusu – Demokratik Gürcüstan” partiyasının seçkiləri saxtalaşdırdığı iddia edilən sxemi müəyyən edib. Müxalifətçilərin artıq hazır sübutları var və onları ictimaiyyətə və beynəlxalq tərəfdaşlara təqdim etməyi planlaşdırırlar.
Tətbiqimizi yükləyə bilərsiniz
