Milyarder İlon Mask ABŞ Konstitusiyasına Birinci və İkinci Düzəlişləri müdafiə etmək üçün petisiyasını imzalayan Pensilvaniyada seçicilərə prezident seçkilərinə qədər hər gün 1 milyon dollar verəcəyini vəd edib.
Yeniavaz.com “The Hill”a istinadən xəbər verir ki, o, bunu Pensilvaniyada respublikaçı Donald Trampa dəstək kampaniyası zamanı bildirib.
Petisiya Trampı dəstəkləyən Mask tərəfindən yaradılan “Amerika PAC” komitəsinin saytında dərc edilib. Seçicilərdən Amerika Konstitusiyasına Birinci və İkinci Düzəlişləri dəstəkləmələrini xahiş edilir.
“The New York Times” qeyd edir ki, petisiyanın məqsədi yenilən ştatlarda qeydiyyatdan keçmiş bir milyon seçicinin Konstitusiyanın söz azadlığı və silah hüquqları müddəalarını dəstəkləmək üçün imza atmaqdır.
“Qarşılaşdığımız problemlərdən biri odur ki, insanlara bu petisiya haqqında necə məlumat verə bilərik? Çünki ənənəvi media bunu xəbər vermək istəmir. Bilirsinizmi, “X” sosial şəbəkəsində hamı məni izləmir. Və düşündüm ki, biz insanları bu haqda necə məlumatlandıra bilərik? Düşünürəm ki, bu xəbər əsl ajiotaj yaradacaq”, – Mask deyib.
Bundan sonra milyarder tamaşaçılardan birini seçib və ona milyon dollarlıq çek verib.
Tətbiqimizi yükləyə bilərsiniz
