Avropa İttifaqı (Aİ) İranın “Rusiyaya ballistik raketlər tədarükü” iddiasına görə ona qarşı yeni sanksiyaları təsdiq edib.
Yeniavaz.com xəbər verir ki, bu barədə DPA agentliyi Aİ diplomatlarına istinadla məlumat yayıb.
Onun sözlərinə görə, diplomatlar bu barədə Aİ xarici işlər nazirlərinin Lüksemburqdakı müvafiq qərarından sonra məlumat veriblər.
DPA-nın qeyd etdiyi kimi, məhdudiyyətlər bu silahların istehsalı və təchizatı ilə məşğul olan şirkətlərə, qurumlara və şəxslərə təsir etməlidir.
Agentlik bildirib ki, müvafiq adlar Aİ-nin rəsmi jurnalında dərc olunacaq. Artıq şirkətlərə sanksiyaya məruz qalan şirkətlər və şəxslərlə iş aparmasına icazə verilməyəcək.
Bundan əlavə, onların Aİ-dəki aktivləri dondurulacaq və Avropa İttifaqına girişi qadağan ediləcək.
Tətbiqimizi yükləyə bilərsiniz
