Qazaxıstanda AES tikintisi ilə bağlı referendum keçirilib

Qazaxıstanda atom elektrik stansiyasının tikintisi ilə bağlı referendum baş tutub.
Yeniavaz.com xəbər verir ki, bu barədə Mərkəzi Referendum Komissiyasının üzvü Səbilə Mustafina brifinqdə danışıb.
O bildirib ki, səsvermədə vətəndaşların iştirakı 50%-i ötüb və bu halda qanunvericiliyə əsasən, o, etibarlı sayılır.
“Ümumilikdə, saat 14:00-a (Bakı vaxtı ilə 13:00) ölkə üzrə 6 milyon 339 min 425 vətəndaş səsvermə bülleteni alıb. Bu, səsvermə siyahılarına daxil edilmişlərin 51,77 faizini təşkil edir”, - Səbilə Mustafina deyib.
Qeyd edək ki, “Respublika referendumu haqqında” Qazaxıstan Respublikasının konstitusiya qanununun 31-ci maddəsinə əsasən, referendumda iştirak etmək hüququ olan vətəndaşların yarıdan çoxu səsvermədə iştirak etdikdə referendum keçirilmiş sayılır.