Qəzzada son 24 saatda 24 fələstinli öldü

İsrail qüvvələrinin Qəzza zolağında keçirdiyi əməliyyatlar nəticəsində son 24 saat ərzində 20-dən çox fələstinli həlak olub.
Yeniavaz.com xəbər verir ki, bu barədə anklavın Səhiyyə Nazirliyi rəsmi “Telegram” kahalında məlumat yayıb.
“İsrail təcavüzü nəticəsində son 24 saat ərzində 24 fələstinli ölüb, 60 fələstinli yaralanıb”, - nazirlikdən bildirilib.
Nazirliyin yaydığı məlumata görə, ümumilikdə İsrail hərbi əməliyyatının əvvəlindən indiyə kimi Qəzzada ölənlərin sayı 41 min 455, yaralananların sayı 95 min 878 nəfərə çatıb.