“Hizbullah”ın Livanla sərhəddə həyata keçirdiyi hücumlarda 2 İsrail hərbçisi həlak olub, 9 İsrail hərbçisi isə yaralanıb.
Yeniavaz.com xəbər verir ki, bu barədə ordunun mətbuat xidməti məlumat yayıb.
Məlumata görə, “Hizbullah” tərəfindən buraxılan partlayıcı yüklü pilotsuz uçan aparatın Qərbi Qalileydə bir əraziyə zərbə endirməsi nəticəsində “Baram” briqadasının logistika rotasına komandirlik edən 43 yaşlı mayor həlak olub, bir hərbçi isə yaralanıb.
Həmçinin mətbuat xidmətinin məlumatına görə, “Hizbullah” tərəfindən atılan iki tank əleyhinə raketin Ramim silsiləsi bölgəsində ordu mövqelərini vurması nəticəsində “Qolani” briqadasının 51-ci batalyonunun 20 yaşlı çavuşu həlak olub, daha 8 hərbçi isə yaralanıb.
Bu məlumatları nəzərə alsaq, Yaxın Şərqdə qarşıdurmanın yeni raundunun əvvəlindən bəri ölən İsrail hərbçilrinin sayı 715 nəfərə çatıb, 4,4 mindən çox hərbçi isə yaralanıb.
Tətbiqimizi yükləyə bilərsiniz
