Son sutka ərzində Qəzzada daha 26 nəfər ölüb

İsrailin Qəzza zolağına endirdiyi zərbələr nəticəsində son 24 saat ərzində azı 26 nəfər ölüb.
Yeniavaz.com xəbər verir ki, bu barədə Qətərin “Əl-Cəzirə” telekanalı məlumat yayıb.
Bildirilib ki, həmçinin xeyli sayda insan yaralanıb.
Telekanalın məlumatına görə, ölənlər arasında Qəzza şəhərində məcburi köçkünlər üçün sığınacağa çevrilmiş məktəbdə olan ən azı beş fələstinli də var.
Qeyd edək ki, İsrailin anklavda 7 oktyabr 2023-cü ildən davam edən hərbi əməliyyatları nəticəsində 41 min 182 fələstinli ölüb, daha 95 min 280 nəfər yaralanıb.