Səudiyyə Ərəbistanının “Əl-Nəsr” klubunun hücumçusu Kriştiano Ronaldo iki braziliyalı əfsanənin - Ronaldo və Ronaldinyonun oyununa baxaraq böyüdüyünü etiraf edib.
Yeniavaz.com xəbər verir ki, “Sport Bible” Ronaldonun sözlərindən sitat gətirib.
“Mən müqayisələri sevmirəm. Onların futbola miras qoyduqlarını deməyə üstünlük verirəm. Dəqiq deyə bilərəm: mən onlardan daha çox fərdi titul qazandım. Onlar ancaq Dünya Kubokunu qazandılar. Bu oyunçulara həqiqətən heyranam. Mən onların oyunlarına baxaraq böyümüşəm. Hansının daha yaxşı olması o qədər də vacib deyil”, - Ronaldo deyib.
Qeyd edək ki, Ronaldonun “Əl-Nəsr”la hazırkı müqaviləsi 2025-ci ilin yayına qədərdir. Futbolçunun transfer dəyəri 15 milyon avro olaraq qiymətləndirilir.
Tətbiqimizi yükləyə bilərsiniz
