“Sentyabrın 12-də Respublikaçı Alternativ partiyası Siyasi Komitəsinin iclası keçirildi. İclasda parlament seçkilərinin nəticələrinə dair ilkin müzakirə aparıldı. Qərara alındı ki, seçki prosesi rəsmən başa çatandan sonra onun nəticələrinə və siyasi əhəmiyyətinə digər REAL namizədlərinin iştirakı ilə partiyanın yekun qiyməti verilsin”.
Yeniavaz.com xəbər verir ki, bu barədə Respublika Alternativ Partiyası məlumat yayıb.
Bildirilir ki, digər qərarla, iclasda İlqar Məmmədovun partiyanın Siyasi Komitəsinin sədri vəzifəsindən istefası haqqında ərizəsi qəbul olunub:
“Qərara alındı ki, sədrliyin ötürülməsi işləri 30 sentyabr tarixində başa çatsın və yeni seçiləcək sədr oktyabrın 1-dən fəaliyyətə başlasın. Respublikaçı Alternativin qurucu üzvü İlqar Məmmədova uzun illər göstərdiyi fəaliyyətə və liderliyinə görə partiya adından təşəkkür bildirildi. İlqar Məmmədovun Siyasi Komitə üzvü olaraq partiya işinin bundan sonra hansı istiqamətlərinə baxacağı növbəti mərhələdə müəyyən ediləcək”.
Tətbiqimizi yükləyə bilərsiniz
