“Polaris Dawn” missiyası çərçivəsində dörd turistlə orbitə çıxarılan “Crew Dragon” kosmik gəmisinin iki ekipaj üzvü sentyabrın 12-də açıq kosmosa çıxacaq.
Yeniavaz.com xəbər verir ki, bu barədə “SpaceX” şirkəti məlumat yayıb.
Məlumata görə, kosmik gəminin göyərtəsində iş adamı Jared Ayzekman, ABŞ Hərbi Hava Qüvvələrinin təqaüdçü pilotu Skott Potit və mühəndislər Anna Menon və Sara Cillis kosmosa uçublar.
“Polaris Dawn” kommersiya missiyasının bir hissəsi olaraq “Crew Dragon” kosmik gəmisi tarixdə ilk dəfə olaraq qeyri-peşəkar astronavtların kosmosda gəzintilər həyata keçirəcəyi aşağı Yer orbitində yerləşib.
“Crew Dragon” kosmik gəmisi sentyabrın 10-da saat 05:24-də (Bakı vaxtı ilə saat 13:24-də) Florida ştatındakı Con Kennedi Kosmik Mərkəzindən kosmosa buraxılıb.
“Crew Dragon” kosmik gəmisi ilə birlikdə “Falcon 9” daşıyıcı aparatı da kosmik səfərə çıxıb.
Tətbiqimizi yükləyə bilərsiniz
