Məşhur aktyor Ceki Çan kino sənətinə verdiyi töhfələrə görə fəxri "Oskar" mükafatına layiq görülüb.
Bu barədə Amerika Kino Sənəti Akademiyasının "Twitter" səhifəsində məlumat verilib.
Təntənəli mükafatlandırma mərasimi şənbə günü Los-Ancelesdə keçirilib.
"200 filmdən, qırılan sümüklərdən sonra, nəhayət ki, o ("Oskar") mənimdir", - deyə 62 yaşlı aktyor mərasimdə çıxışı zamanı bildirib.
Ceki Çan 100-dən çox filmdə baş rolda çəkilib. O, təkcə aktyor yox, həm də rejissor, prodüser, ssenarist və müğənnidir.
Report