Ukrayna Prezidenti Volodimir Zelenski Rusiya hava limanları da daxil olmaqla Rusiyanın aviasiya infrastrukturunun fəaliyyətini təmin edən 150-yə yaxın hüquqi və fiziki şəxsə qarşı yeni sanksiyalar tətbiq etdiyini bildirib.
Yeniavaz.com xəbər verir ki, sanksiyalarla bağlı fərmanlar Ukrayna Prezidenti Volodimir Zelenskinin saytında dərc edilib.
Bununla belə, sənəddə konkret şirkətlərin adı çəkilməyib.
Sənədə görə, sanksiyalara, xüsusən, “Vnukovo” Beynəlxalq Hava Limanı, “Aero-Şeremetyevo” Hava Limanı, “Pulkovo” Hava Limanı, “Krasnodar” Beynəlxalq Hava Limanı, “Xabarovsk” Hava Limanı, “Tolmaçevo” Hava Limanı, həmçinin “Domodedovo Erfild” Hava Limanı daxil edilib.
Ümumilikdə, sənədə Rusiya aviasiya infrastrukturu ilə bağlı 73 hüquqi və 74 fiziki şəxs daxil edilib.
Bundan əlavə, saytda Ukraynanın əməkdaş hesab etdiyi 164 fiziki və 11 hüquqi şəxsə qarşı sanksiya tətbiq edən daha bir fərman dərc olunub. Ümumilikdə, iki fərmanda 320-dən çox şəxsə qarşı sanksiyalar öz əksini tapıb.
Tətbiqimizi yükləyə bilərsiniz
