Rusiya Prezidenti Vladimir Putin Monqolustana rəsmi səfərə gedib.
Yeniavaz.com xəbər verir ki, Rusiya prezidentinin təyyarəsi Ulan-Bator hava limanına enib.
Putinin Monqolustana səfəri iki gün davam edəcək. Sentyabrın 3-də Rusiya Prezidentinin Monqolustan Prezidenti Uxnaaqiyn Xurelsux ilə görüşəcəyi, həmçinin bir sıra sənədlər imzalayacağı və Georgi Jukovun abidəsi önünə gül dəstələri qoyacağı gözlənilir.
Putinin səfəri 1939-cu ildə Xalxin Qolda Sovet və Monqolustan qoşunlarının Yaponiya silahlı qüvvələri üzərində birgə qələbəsinin 85-ci ildönümünə təsadüf edir.
Qeyd edək ki, bu, Putinin həbs qərarı verildikdən sonra Roma Statutunu ratifikasiya etmiş ölkəyə ilk səfəridir.
Putinin Monqolustana səfərindən əvvəl Kreml qarşıdakı səfərdən narahat olmadığını bildirib.
Tətbiqimizi yükləyə bilərsiniz
