TRT əməkdaşları Qəzzada yaralandı

İsrail ordusunun Qəzza zolağının cənubundakı Xan Yunis şəhərinə etdiyi hücumda TRT operatoru və köməkçisi yaralanıb.
Yeniavaz.com xəbər verir ki, bu barədə TRT telekanalı məlumat yayıb.
Məlumata görə, sözügedən hücum zamanı İsrail “Nasser” xəstəxanasını vurub, həmçinin jurnalistlərin çadırı da hədəfə çevrilib.
Hücum nəticəsində TRT operatoru xidməti vəzifəsini yerinə yetirərkən gözündən qəlpə yarası alıb. Onunla yanaşı operatorun assistenti də yaralanıb.
Daha bir neçə mətbuat işçisinin də yaralandığı bildirilir.
Türkiyə Xarici İşlər Nazirliyi İsrailin hücumunu pisləyib. Nazirlik hücumu İsrailin faktları ört-basdır etmək cəhdləri kimi qiymətləndirib.