İsrailin itkiləri 700-ə çatdı

İsrail Müdafiə Qüvvələri (IDF) Qəzza zolağında Fələstinin  HƏMAS hərəkatı ilə döyüşlər zamanı daha bir hərbçisinin öldüyünü açıqlayıb.
Yeniavaz.com xəbər verir ki, bu barədə IDF məlumat yayıb.
Bildirilib ki, hava-desant briqadasının 202-ci batalyonunda xidmət edən 20 yaşlı serjant Amit Tzadikov Qəzza zolağının cənubunda gedən döyüşlərdə həlak olub.
Bununla da, İsrail ordusunun Qəzza zolağında quru əməliyyatı başlayandan bəri ölən hərbçilərin sayı 337-yə çatıb. Fələstin-İsrail münaqişəsinin yeni raundu zamanı həlak olan İsrail hərbçilərinin ümumi sayı isə artıq 700-dür.