“Hizbullah” hərəkatı İsrailin şimalına 320 raket atıb.
Yeniavaz.com xəbər verir ki, bu barədə “Times of Israel” qəzeti məlumat yayıb.
Bildirilib ki, hərəkat yəhudi dövlətinin 11 hərbi bazasını vurub.
Daha əvvəl isə “The Jerusalem Post” qəzeti Livandan İsrail ərazisinə 200-ə yaxın raket atıldığını yazıb.
Nəşrin məlumatına görə, hücum 45 dəqiqə davam edib, bir neçə raket İsrail ərazisinə düşüb.
“Hizbullah” İsrailə raket hücumundan sonra Beyrutda hərbi qanadının komandiri Fuad Şükrün öldürülməsinə “ilkin cavab” verdiyini bəyan edib.
Buna cavab olaraq İsrail Hərbi Hava Qüvvələri Livanın cənubunda “Hizbullah”a məxsus hədəflərə zərbələr endirmək üçün 100-ə yaxın döyüş təyyarəsinin iştirakı ilə hücuma keçib.
IDF sözçüsü Daniel Haqari verdiyi açıqlamada, zərbələr zamanı bir neçə min hədəfin məhv edildiyini söyləyib.
Tətbiqimizi yükləyə bilərsiniz
