İranda zəvvarları daşıyan avtobus qəzaya uğrayıb.
Yeniavaz.com xəbər verir ki, bu barədə ölkənin yol polisinin rəhbəri, general Teymur Hüseyni ISNA-ya məlumat verib.
O bildirib ki, Yəzd əyalətində pakistanlı zəvvarları daşıyan avtobusun qəzaya uğraması nəticəsində azı 28 nəfər ölüb, daha 23 nəfər yaralanıb.
Onun sözlərinə görə, hadisə avqustun 20-də axşam saatlarında baş verib.
Qeyd olunub ki, avtobus 2024-cü ildə avqustun 25-nə təsadüf edən Ərbəin dini mərasimi üçün Pakistandan İraqa gedirdi.
Tətbiqimizi yükləyə bilərsiniz
