Tramp İncil satışından 300 min dollar qazanıb – KİV

Respublikaçılar Partiyasından prezidentliyə namizəd Donald Tramp İncil satışından təxminən 300 min dollar qazanıb.
Yeniavaz.com xəbər verir ki, bu barədə “NBC News” telekanalı maliyyə hesabatlarına istinadla məlumat yayıb.
Məlumata görə, respublikaçı Amerikada dini ruhu canlandırmaq üçün Müqəddəs Həftədə hər biri 60 dollara İncil satmağa başlayıb.
Digər tərəfdən, telekanalın məlumatına görə, Trampın 1 milyon dollardan çox kriptovalyutası var ki, bu da onun bu maliyyə aktivi ilə bağlı mövqeyinin dəyişdiyini göstərir.
Telekanal qeyd edir ki, o, əvvəlki prezidentlik müddətinin əvvəlində rəqəmsal valyuta haqqında son dərəcə mənfi mövqe nümayiş etdirmişdi.
Qeyd edək ki, ABŞ-də prezident seçkiləri noyabrın 5-də keçiriləcək.