“Premyer Liqa”da ən çox maaş alan futbolçular – Açıqlandı

“Premyer Liqa”nın ən çox maaş alan futbolçular açıqlanıb.
Yeniavaz.com xəbər verir ki, bu barədə “Capology” portalı məlumat yayıb.
Məlumata görə, İngiltərə çempionu “Mançester Siti”nin belçikalı yarımmüdafiəçisi Kevin De Bruyne İngiltərə Premyer Liqasında ən çox maaş alan futbolçudur. Onun maaşı 20,8 milyon funt sterlinq təşkil edir.
İkinci yerdə 19,5 milyon funt-sterlinq qazanan “Mançester Siti”nin norveçli hücumçusu Erlinq Holan qərarlaşıb.
İlk üçlüyü “Liverpul”un misirli hücumçusu Məhəmməd Salah tamamlayıb - 18,2 milyon funt-sterlinq.
İlk onluğa “Mançester Siti”dən daha iki oyunçu Bernardo Silva və Cek Qriliş (hər ikisi 15,6 milyon funt-sterlinq) daxil olub.
İlk onluqda həmçinin Mançester Yunayteddən iki (Kazemiro - 18,2 milyon funt-sterlinq, Markus Reşford - 15,6 milyon funt-sterlinq), “Çelsi”dən iki (Rahim Sterlinq -16,9 milyon funt-sterlinq, Romelu Lukaku - 16,9 milyon funt-sterlinq), “Arsenal”dan bir (Kay Haverts - 15,6 milyon funt-sterlinq) oyunçu təmsil olunub.