SOCAR son 7 ildə Rusiyada nə qədər pul qazanıb? – Cədvəl

Dövlət Neft Şirkətinin (SOCAR) Rusiyada fəaliyyət göstərən törəmə şirkəti – “SOCAR  RUS” ötən il üçün maliyyə hesabatını açıqlayıb.
Yeniavaz.com şirkətin açıqladığı maliyyə hesabatına istinadən bildirir ki, “SOCAR  RUS” şirkəti 2023-cü ildə 43 milyard 408 milyon rubl (479 milyon dollar) gəlir əldə edib və bu gəlirin cəmi 31,6 milyon rublu (349 min dollar) xalis mənfəət olub.
Qeyd edək ki, son 7 ildə “SOCAR  RUS” şirkətinin ümumi gəlirləri və xalis mənfəəti (zərəri) aşağıdakı kimi olub:

Məlumat üçün qeyd edək ki, “SOCAR  RUS” şirkəti 2013-cü ildə təsis edilib. 2016-cı ildən şirkət neft, neft-kimya məhsulları və mayeləşdirilmiş neft qazı (LPG) üzrə birja hərraclarında iştirak etmək hüququna malik olmaq üçün Sankt-Peterburq birjasında akkreditasiya alıb. 2017-ci ildə artıq birjanın fəal iştirakçısına çevrilən SOCAR-ın Rusiyadakı törəmə şirkəti azsıxlıqlı polietilenin (ASPE) satışına başlayıb. Belə ki, həmin ilin aprel ayının 7-dən etibarən “SOCAR  RUS” “Azərikimya” İstehsalat Birliyinin istehsalı olan 15803-020 markalı ASPE satışlarını həyata keçirməkdədir. 2019-ci ildən bəri şirkət “SOCAR Polymer”in istehsal etidiyi polipropilen və yüksək sıxlıqlı polietileni də Rusiya bazarında satışa çıxarmağa başlayıb.

Elnur Əli